رأي د. عمرو سليمان – أخصائي التغذية العلاجية
في البداية لازم نفهم: إحنا ليه بيجلنا هبوط أثناء الدايت؟
السبب ببساطة إن أغلب الناس بتبدأ الدايت بطريقة غلط، خصوصًا لما يعتمدوا على نفسهم بدون إشراف أو توجيه.
تلاقي الشخص يقول: “هقلل الأكل.. مش هاكل نشويات.. معلقة رز واحدة كفاية.. مفيش عيش!”
وهنا تبدأ المشكلة!
النشويات أو الكربوهيدرات عنصر أساسي ومهم جدًا للجسم، لأنها المصدر الأساسي للطاقة.
لما نمنعها تمامًا، الجسم بيبدأ يدور على بديل سريع للطاقة
ولأن مفيش كربوهيدرات، بيطلب سكريات بسيطة — عشان كده بتحس إنك نفسك في شوكولاتة أو حلويات طول الوقت 🍫
الحل مش إنك تمنع الكربوهيدرات
لكن إنك تختار النوع الصح منها
ابدأ دايمًا بـ الكربوهيدرات المعقدة زي:
البطاطا
البطاطس
الأرز البني
العيش الأسمر
الأنواع دي بتتهضم ببطء، فبتديك طاقة ثابتة وشعور بالشبع لفترة أطول، وبتمنع إحساس الهبوط.
النسبة المثالية:
خلي حوالي 50٪ من سعراتك الحرارية اليومية كربوهيدرات معقدة.
يعني لو احتياج جسمك اليومي مثلًا 2000 سعر حراري،
يبقى حوالي 1000 سعر حراري منهم من الكربوهيدرات المعقدة.
الدايت مش حرمان من الاكل !
الكثير من متبعي الحمية الغذائية مفهومهم عن الدايت التقليل والحرمان من الأكل بشكل مفاجيء في اعتقادهم أن ذلك يساعد الجسم على حرق أكبر عدد من الدهون واول حاجه يبدأوا يمنعوها النشويات ودا يتسبب في عدم الشبع وفقدان الطاقة ويدخل الجسم في حالة حرمان وهبوط واشتهاء للحلويات
سر نجاح اي ريجيم مش في الحرمان لكن في اختيار نوعية الأكل والتوازن بين العناصر الغذائية
ليه بيحصل هبوط أثناء الدايت؟
لو حسيت بهبوط أثناء فترة الدايت بالتأكيد انك بتتبع نظام غير صحي وأن الجسم لم يأخذ كفايته اليومية من الطاقة ودا بيحصل نتيجة أننا نقلل الكربوهيدرات أو الوجبات بشكل مبالغ فيه وينخفض مخزون الطاقة بشكل سريع في الحالة دي الجسم بيبدأ يدور على بديل وده اللي بيخليك تحس بدوخه او رغبة شديدة لتناول السكريات .
في الوقت دا بتبدأ تفقد رغبتك في الاستمرار على الدايت وترجع تاكل كميات اكتر من الاول
اقرأ أيضا .. بدائل صحية تساعد في انقاص الوزن “مفهوم كثافة الطاقة
هل الكربوهيدرات السبب الرئيسي لفشل الريجيم ؟
من المتعارف عليه ان الكربوهيدرات الوقود الأساسي للجسم ومصدر الطاقة لكن المشكلة غالبا بتكون في نوع الكربوهيدرات اللي بتدخلها جسمك .
الكربوهيدرات البسيطة : وتتمثل في “ السكر ، العصائر ، الحلويات “ ترفع نسبة السكر في الدم ودا اللى بيسبب الهبوط .
الكربوهيدرات المعقدة : (زي البطاطا، البطاطس، الأرز البني، الشوفان، العيش الأسمر)، فهي تهضم ببطء و بتدي طاقة ثابتة.
نصيحة د. عمرو سليمان:
خلي حوالي 50% من سعراتك اليومية من الكربوهيدرات المعقدة علشان تحافظ على طاقتك طول اليوم وتخس من غير تعب.
نظام غذائي صحي متوازن :
علشان تتأكد انك تتبع نظام غذائي صحي متوازن لازم كل وجبة تحتوي على :
-بروتين ” بيض_تونة_فراخ _ لحوم _ جبن قريش “
-كربوهيدرات معقدة : ” بطاطا _شوفان _ عيش أسمر”
-دهون صحية “زيت زيتون _مكسرات_أفوكادو “
-خضار و فواكه غنية بالألياف والفيتامينات.
وجبتك يجب ان تكون مقسمة ” نص الطبق خضر _ ربع كربوهيدرات _ ربع بروتين “
عند اتباع هذا النظام يعزز الشعور بالشبع في جسمك لأطول فترة والجسم هيستفيد بكل احتياجاته من غير ماتشعر بدوخه او هبوط .
السناكس بين الوجبات مهمه جدا
تناول من 2 ل 3 وجبات سناكس خلال اليوم تخلصك من الشعور بالجوع ولكن لابد من ان تكون وجبات السناكس خفيفه وصحية
- ثمرة فاكهة
- كوب زبادي لايت
- حفنة مكسرات
قطعة توست أسمر مع جبن خفيف
الوجبات الخفيفة دي بتحافظ على مستوى السكر والطاقة في الدم ثابت طول اليوم، وبتمنع الهبوط أو شراهة الأكل .
الدايت الصحي المتوازن هيخليك تحس بفرق حقيقي في طاقتك خلال اليوم والنوم والبشرة والمزاج.
